خاتون سے پرس چھین کر فرار ہونے والا ملزم اپنی گولی لگنے سے زخمی

تفصیلات کے مطابق  اس واقعے کی ویڈیو وائرل ہونے کے بعد  راولپنڈی پولیس نے مقدمہ درج کیا  تھا۔راولپنڈی پولیس کے مطابق خاتون سے پرس چھیننے والے ملزم انیس اقبال کو گرفتار کرلیا ہے۔

سی پی او محمد احسن یونس نے واقعہ کا نوٹس لیتے ہوئے ملزم کی فوری گرفتاری کے احکامات دیےتھے۔

راولپنڈی پولیس نے خاتون سے پرس سنیچنگ کرنے والا ملزم انیس اقبال گرفتار کرلیا۔

سی پی او محمد احسن یونس نے واقعہ کا نوٹس لیتے ہوئے ملزم کی فوری گرفتاری کے احکامات دیےتھے۔ دوران گرفتاری ملزم نے پولیس پر فائر کرنے کی کوشش کی جس دوران ملزم کو اپنے ہی پسٹل سے دائیں کلائی پر فائر لگا۔ pic.twitter.com/2J2jHdW9ow

— Rawalpindi Police (@RwpPolice) June 25, 2021

پولیس کے مطابق  دوران گرفتاری ملزم نے پولیس پر فائر کرنے کی کوشش کی جس دوران ملزم کو اپنے ہی پسٹل سے دائیں کلائی پر فائر لگا۔ملزم کے قبضے سے چھینی گئی رقم اور پرس بھی برآمد کرلیا گیا۔

سوشل میڈیا پر ایک ویڈیو وائرل ہوئی  تھی  ، ویڈیو  میں  دیکھا جا سکتا ہے کہ گلی سے گزرنے والی اسکول ٹیچر سے موٹر سائیکل سوار  نے پرس چھینا۔اس دوران خاتون منہ کے بل سڑک پر جا گری اور زخمی ہو گئی تاہم ملزم  فرار ہو گیا تھا۔