سیاہ فام جارج فلائیڈقتل کیس: پولیس آفیسرکو سزاسنادی گئی

تفصیلات کے مطابق امریکی  عدالت نےجارج فلائیڈکےقتل میں ملوث سابق پولیس اہلکارڈ یرک شاوین کوسزا سنادی ، عدالت نے اپنے ریمارکس میں کہاکہ مقدمہ کےحقائق کو سامنےرکھتےہوئےقانون کےمطابق ملزم کوسزادی گئی  ہے اور سزاکسی ہمدردی،جذباتی وابستگی اورعوامی رائےپرنہیں دی گئی۔امریکی صدرجوبائیڈن نےسابق پولیس آفیسرکی سزاکومناسب اقدام قراردےدیا۔دوسری جانب  مقتول شہری جارج فلائیڈکے اہل خانہ کا کہنا ہے کہ امریکی عدالت کےاقدام سےانصاف کی جیت ہوئی ہے ۔

یادرہے گذشتہ  برس  مئی میں جارج فلائیڈکو  پولیس نےدوران گرفتاری قتل کردیاتھا ۔ سیاہ فام جارج فلائیڈ کی ہلاکت کی  ویڈیو وائرل ہوئی تھی،جس  میں دیکھا جا سکتا تھا کہ ہاتھ پیچھے بندھے جارج فلوئیڈ زمین پر لیٹے ہوئے ہیں اور ان کی گردن پر پولیس اہلکار نے گھٹنا رکھا ہوا ہے اور  جارج  کہہ رہے ہیں کہ ان کو سانس لینے میں مشکل ہو رہی ہے۔ مگرسفیدفام سابق پولیس آفیسرنےان کی بات نہیں سنی  تھی ۔ جارج فلائیڈ کی  ہلاکت کے بعد ریاست منی سوٹا  میں ہنگامے پھوٹ پڑے تھے  اور شہر میں جلاؤ گھیراؤ کے واقعات بھی پیش آئے تھے۔