9 مئی مقدمات: صاحبزادہ حامد رضا سمیت دیگر ملزمان پر فرد جرم عائد

فیصل آباد کے تھانہ سول لائن اورغلام محمد آباد کی حدود میں ہونے والے جلاؤ گھیراؤ کے مقدمات میں صاحبزادہ حامد رضا سمیت دیگر170 ملزمان پر فرد جرم عائد کر دی گئی۔

تھانہ غلام محمد آباد میں درج مقدمے میں  پی ٹی آئی کارکنان پر فرد جرم عائد کی گئی جبکہ تھانہ سول لائن کے دونوں مقدمات میں بھی کارکنان پر فرد جرم عائد ہو چکی ہے۔

عدالت نے ایم پی اے حسن نیازی،اور ایم پی اے ملک اسماعیل سیلا پر بھی فرد جرم عائد کر دی۔

پی ٹی آئی کی قیادت، جن میں سینٹئیرشبلی فراز اورایم این اے زرتاج گل کی جانب سے عدالت میں حاضری سے استثنی کی درخواست دی گئی ، جسے عدالت نے منظور کر لیا۔

عدالت نے درخواست منظور کرتے ہوئے زرتاج گل سمیت دیگر قیادت کو 14 دسمبر کو طلب کر لیا، وکیل کے مطابق یہ طلبی ان کی موجودگی کی ضرورت کے لیے ہے۔