وزیر خارجہ اسحاق ڈار کا ترک ہم منصب سے ٹیلیفونک رابطہ

نائب وزیراعظم و وزیر خارجہ  اسحاق ڈار کا پر  ترکیہ کے وزیر خارجہ حاقان فیدان سے ٹیلیفونک رابطہ ہوا ہے، دونوں کے مابین رابطے میں شام کی موجودہ صورتحال پر گفتگو ہوئی۔

 دفتر خارجہ کے مطابق اسحاق ڈار نے اپنے ہم منصب کو شام میں مقیم پاکستانی شہریوں کی حفاظت کیلئےحکومتی کوششوں سے آگاہ کیااور  پاکستانی شہریوں کے تحفظ کیلئےممکنہ تعاون پراور کیے جانے والے اقدمات پر بھی تبادلہ خیال  کیا۔

دوسری جانب ترجمان دفتر خارجہ نے کہا ہے کہ شام میں تمام پاکستانی شہری محفوظ ہیں، تمام شہریوں کو احتیاط کرنے کا کہا گیا ہے، شام کی بدلتی صورتحال پر گہری نظر رکھے ہوئے ہیں۔

ترجمان کا مزید کہنا ہے کہ  شام میں پاکستان کا سفارت خانہ زائرین سمیت پھنسے ہوئے پاکستانی شہریوں سے رابطے میں ہے، دمشق ایئرپورٹ کھلنے کے بعد شہریوں کی واپسی شروع ہو جائے گی۔