انسانی حقوق کے عالمی دن پر  کشمیری انصاف کے منتظر

 دنیا  میں ہر سال 10دسمبر کو انسانی حقوق کا دن منایا جاتا ہے،لیکن بھارت کے کشمیریوں پر توجہ طلب مظالم جاری ہیں، کشمیر میں بھارت کی جانب سے مسلسل انسانی حقوق کی پامالی ہو رہی  ہے، مگر افسوس کہ عالمی ضمیر اس پر خاموش ہے؟ 

دنیا میں بنیادی حقوق کے علمبرداروں کو کشمیری عوام  کو ان کے بنیادی حقوق کی طرف توجہ  دینا ہو گی، ورنہ عالمی حقوق کا  یہ دن محض ایک رسم بن کر رہ جائے گا۔ 

کشمیری پچھلے ستتر سالوں سے لے کر اب تک  اپنے  بنیادی انسانی حقوق سے محروم ہیں،بھارت اپنے ظلم وجبر سے مسلسل کشمیریوں کی آواز کو دبا رہا ہے  اور جو بنیادی انسانی حقوق کی کھلم کھلا خلاف ورزی ہے، بھارت کے اس رویے پر تمام ممالک خاموش ہے اور کوئی اس کو روکنے ٹوکنے والا نہیں۔   

انسانی حقوق کا عالمی اعلان تو موجود ہے، لیکن کشمیر کے لیے خاموشی کیوں ہے؟ 

کشمیری عوام کو ان کا حقِ خودارادیت کے بغیر انسانی حقوق کا دن مکمل نہیں ہو سکتا،مگر افسوس اس بات کا ہے کہ بھارتی مظالم کے سائے میں انسانی حقوق کا دن بے معنی ہو چکا ہے۔