قومی کرکٹر شعیب ملک نے اہلیہ  ثانیہ مرزا کو طلاق کے بعد کتنی رقم ادا کی؟

پاکستان کے سابق کپتان اور مایہ ناز کھلاڑی شعیب ملک نے اپنی اہلیہ بھارتی اہلیہ ثانیہ مرزا کو طلاق کے بعد کتنی رقم دی ؟اس حوالے سے حیران کن انکشاف سامنے آ گیا۔
اںڈین میڈیا کی ایک رپورٹ میں حیران کن انکشاف سامنے آیا ہے جس میں انہوں نے مختلف جوڑوں کے درمیان طلاق کے بعد دی جانے والی رقم کے متعلق بتایا گیا ہے۔
بھارتی آل راؤنڈر  ہاردک پانڈیا اور سربیئن ماڈل و اداکارہ نتاشا نے 2020 میں شادی کی تھی، لیکن رواں سال دونوں کے درمیان  علیحدگی کی تصدیق ہو گئی ہے۔
  میڈیا کے مطابق ہاردک نے اپنے 70 فیصد اثاثے، جن کی مالیت 94 کروڑ بھارتی روپوں کے قریب ہے، انہوں نے طلاق کے بعد اپنی سابقہ اہلیہ نتاشا کو دیے، اور یہ طلاق بھارت کی مہنگی ترین طلاقوں میں شامل ہے۔
 اس لے بعد فہرست میں قومی کرکٹر شعیب ملک کا نمبر آتا ہے جنہوں  نے طلاق کی صورت میں اہلیہ ثانیہ مرزا  کو 15 کروڑ بھارتی روپے ادا کیے،قومی کرکٹر شعیب ملک نے 2010 میں بھارتی ٹینیس کھلاڑی ثانیہ مرزا سے شادی کی تھی،مگر 2024 کے آغازمیں دونوں نے علیحدگی اختیار کر لی تھی، جس کے بعد شعیب ملک نے مشہور پاکستانی ماڈل و اداکارہ ثنا جاوید سے شادی کی تھی۔

تیسرے نمبر پر بھارتی کرکٹر شیکھر دھون کا نمبر آتا ہے، جنہوں نے اپنی اہلیہ  عائشہ کو 13 کروڑ بھارتی روپے ادا کیے،شیکھر دھون نے 2012 میں عائشہ مکھرجی سے شادی کی تھی، لیکن 2023 میں دونوں نے علیحدگی اختیار کر لی۔
واضح رہے کہ ان سب کے علاوہ بالی وڈ میں بھی کئی مہنگی طلاقیں ہوئیں ہیں، جن میں ہریتک روشن اور سوزین خان، کرشمہ کپور اور سنجے کپور، سیف علی خان اور امرتا سنگھ، عامر خان اور رینا دتہ، اور ارباز خان اور ملائیکہ اروڑا شامل ہیں۔