بانی پی ٹی آئی کی 6 اور اہلیہ بشریٰ بی بی کی ایک درخواست ضمانت پر فیصلہ آج بھی نہ ہو سکا

 بانی پی ٹی آئی  کی 6 اور ان کی اہلیہ بشریٰ بی بی کی ایک درخواست ضمانت پر آج بھی فیصلہ نہ ہو سکا۔

ڈسٹرکٹ اینڈ سیشن کورٹس اسلام آباد  بانی پی ٹی آئی کی 6 اور بشریٰ بی بی کی ایک درخواست ضمانت پر سماعت ہوئی،درخواستوں کی سماعت یڈیشنل سیشن جج محمد افضل مجوکا نے  کی۔

بانی پی ٹی آئی اور بشریٰ بی بی کی جانب سے ان کے  وکیل خالد یوسف چودھری عدالت پیش ہوئے۔

دوران سماعت بانی پی ٹی آئی کی جیل سے ویڈیو لنک پر حاضری نہ لگائی جاسکی، عدالت نے جیل حکام کو ویڈیولنک حاضری کیلئے دوبارہ نوٹس جاری کردیا۔

بعدازاں عدالت نے بانی پی ٹی آئی  اور ان کی اہلیہ کی ضمانت کی درخواستوں پر سماعت 7 جنوری تک ملتوی کردی۔