کابینہ ڈویژن نے2025 کی عام تعطیلات کا کیلنڈر جاری کر دیا

اسلام آباد:کابینہ ڈویژن نےسال  2025ء میں ہونے والی عوامی اور اختیاری تعطیلات کا کیلنڈر جاری کر دیا ہے۔
جابینہ کی جانب سے جاری کئے گئے کیلنڈر کے مطابق اگلے سال  بارہ عوامی اور بائیس اختیاری تعطیلات ہوں گی، 2025ء کی پہلی چھٹی پانچ فروری کو ہو گی، دوسری چھٹی یوم پاکستان 23 مارچ کو ہو گی۔
حکومت کی جانب سے 30مارچ، 31 مارچ اور یکم اپریل کو عیدالفطر کی تعطیلات کے طور پر رکھا گیا ہے، یوم مزدور کی یکم مئی کو چھٹی ہو گی،  جبکہ 28 مئی کویوم تکبیر کی عام تعطیل ہو گی۔
اسی طرح عیدالاضحی کے لئے 7، 8 اور 9 جون کی تعطیلات رکھی گئی ہیں، نو محرم اور دس محرم کی دو چھٹیاں پانچ اور چھ جولائی کو ہوں گی، یوم آزادی کے سلسلے میں 14 اگست کو عام تعطیل ہو گی۔
حکومت نے ماہ ربیع الاول میں عید میلاد النبی صلی اللہ علیہ وسلم کے موقع پر تعطیل کا اعلان بھی کیا ہے جو کہ 5 یا 6 ستمبر کو ہونے کا امکان ہے جب کہ یوم اقبال 9 نومبر کو ہوگا۔
سال، 2025ء کی آخری عام تعطیل 25 دسمبر ہو گی، کرسچین برادری کیلئے ممکنہ طور پر ڈے آفٹر کرسمس 26 دسمبر کو تعطیل ہو گی۔