بجٹ سے پہلے وزیراعظم کا اعشائیہ ، غیر حاضر ارکان پر کپتان کا نوٹس

تفصیلات کے مطابق وزیراعظم عمران خان نے اراکین قومی اسمبلی کے اعزاز میں دئیے گئے اعشائیے سے خطاب  کرتے ہوئے کہا کہ  جب سے وزیراعظم بنا ہوں 10 مرتبہ باہر سے کھانا کھایا ہے جس میں 3 دفعہ آپ لوگوں کے ساتھ کھانا کھایا ۔

ذرائع کے مطابق   وزیراعظم  کی جانب سے دیے گئے عشائیہ میں   ارکان اسمبلی  کی کمی  پر وزیراعظم نالاں ہوگئے،وزیراعظم نے غیر حاضر ارکان کا نوٹس لے لیا ،عامر ڈوگر اور پرویز خٹک سے تفصیلات مانگ لیں۔

وزیر اعظم عمران خان نے کہا کہ کورونا کے باوجود زبردست بجٹ دیا ہے ،انشاءاللہ کل بجٹ پاس ہو گا ۔

عامر ڈوگر کو ارکان کی حاضری یقینی بنانے کا ٹاسک سونپ دیا ۔مسلم ق لیگ کے طارق بشیر چیمہ سمیت سینئر اراکین  عشائیے میں شریک نہ ہوئے۔وزیراعظم عمران خان نے اتحادیوں کا خصوصی شکریہ بھی ادا کر دیا۔

وزیرداخلہ شیخ رشیداحمدنے عشائیہ کےموقع پرمیڈیاسے گفتگو کرتے ہوئے کہا ہے کہ عشائیہ میں عمران خان نے کہاہم مسائل سے نکل رہےہیں،جوبھی مسائل ورثےمیں ملےہیں ،ان سب کوحل کریں گے، وزیراعظم نےکہاان شاءاللہ ملک کو آگے لےکرجائیں گے۔