جناح ایونیو انٹرچینج انڈر پاس کی ریکارڈ مدت میں تعمیر مکمل کرنے پر وزیر اعظم کی  چئیرمین سی ڈی اے کو مبارکباد

اسلام آباد:وزیراعظم شہباز شریف نے اسلام آباد میں جناح ایونیو انٹرچینج انڈر پاس کا افتتاح کر دیا،وزیر اعظم نے منصوبہ ریکارڈ مدت میں مکمل کرنےپر چئیرمین سی ڈی اے کو مبارکباد دی۔
اس سے قبل چیئرمین کیپٹیل ڈیولپمنٹ اتھارٹی (سی ڈی اے)  نے وزیر اعظم کو جناح ایونیو انٹرچینج کے حوالے سے بریفنگ دی جس میں بتایا گیا کہ جناح ایونیو انٹرچینج منصوبے میں سیفٹی اور سیکیورٹی کویقینی بنایاگیا۔
بریفنگ میں وزیراعظم کو بتایا گیا کہ جناح ایونیو انٹرچینج منصوبےکےپہلےمرحلےمیں950میٹرانڈرپاس مکمل کیا گیا، جناح ایونیو انٹرچینج منصوبے میں سیفٹی اور سیکیورٹی کویقینی بنایاگیا۔
انڈر پاس کی افتتاحی تقریب سے خطاب کرتے ہوئے وزیر اعظم شہباز شریف کا کہنا تھا کہ قومیں اسی طرح ترقی کرتی ہیں جب دن رات کام کیا جائے، چیئرمین سی ڈی اے سمیت سب کو مبارکباد پیش کرتاہوں، ان کا کہنا تھا کہ 42روزمیں انڈر پاس کی تعمیر نیا ریکارڈ ہے۔فلائی اوور مکمل ہونے سے اسلام آباد اور راولپنڈی کے ٹریفک مسائل ختم ہوں گے۔
اس موقع پرشہباز شریف نے کہا کہ انشا اللہ اسی رفتار سے ترقی کا سفر جاری رہے گا، پاکستان کی ترقی اور خوشحالی آگے لے کر جائیں گے۔
وزیرا عظم نے کہا کہ محسن نقوی راتوں کو بھی منصوبے کا دورہ کر کے کام کا جائزہ لیتے رہے، قومیں اسی طرح ترقی کرتی ہیں کہ دن رات کام کیا جائے، سب کو دل کی گہرائیوں سے مبارکباد پیش کرتا ہوں۔