وزیراعظم نے سینیٹر عرفان صدیقی کو حکومتی اتحادی کمیٹی کا ترجمان مقرر کردیا

حکومت اور پی ٹی آئی کے درمیان مذاکرات میں اہم پیشرفت سامنے آئی، وزیراعظم نے سینیٹر عرفان صدیقی کو حکومتی اتحادی کمیٹی کا ترجمان مقرر کردیا۔

تفصیلات کے مطابق وزیراعظم شہبازشریف نے سینیٹ میں پاکستان مسلم لیگ (ن) پارلیمانی پارٹی کے لیڈر اور پی ٹی آئی سے مذاکرات کیلئے  بنائی کمیٹی کے رُکن سینیٹر عرفان صدیقی کو حکومتی اتحادی کمیٹی کا ترجمان مقرر کردیا ہے۔

واضح رہے کہ حکومت اور پی ٹی آئی کے درمیان مذاکرات کا پہلا دور ہوچکا ہے جبکہ دوسری بیٹھک اب 2 جنوری کو ہوگی جس میں اپوزیشن جماعت اپنے مطالبات تحریری طور پر حکومت کو پیش کرے گی۔

قبل ازیں حکومتی کمیٹی کے ترجمان سینیٹر عرفان صدیقی نے ایک بیان میں کہا کہ فوجی یا پھر عدالتوں سے سزاؤں کی وجہ سے تحریک انصاف کے ساتھ ہونے والے مذاکرات متاثر نہیں ہوں گے۔ انہوں نے یہ بھی کہا تھا کہ حکومتی کمیٹی عمران خان کے بیانات کے بجائے پی ٹی آئی کی مذاکراتی کمیٹی کے مطالبات پر غور کررہے ہیں۔

سینیٹر عرفان صدیقی نے اس خواہش کا اظہار کیا تھا کہ اگر مذاکرات میں کوئی چیز آؤٹ آف دی باکس جاکر کرنا پڑے تو کرنا چاہیے تاکہ اس سے ملک میں سیاسی استحکام آئے۔