این آئی سی وی ڈی کی سال 2024 کی کارکردگی رپورٹ جاری

 این آئی سی وی ڈی کراچی سال 2024 میں 13 لاکھ سے زائد مریضوں کا بالکل مفت علاج کرنے والا ادارہ بن گیا ہے جس میں 9,857 پرائمری انجیوپلاسٹیز اور 3,152 کارڈیک سرجریز شامل ہیں۔

قومی ادارہ برائے امراضِ قلب (این آئی سی وی ڈی) کراچی نے 2024 کے دوران اپنے آپریشنل اعداد و شمار جاری کردیے ہیں۔

ترجمان نے بتایا کہ ان سہولیات میں اوپن ہارٹ سرجریز، پرائمری پرکیوٹینیئس کوروناویری انٹروینشنز (PCIs) اور دیگر پروسیجرز شامل ہیں۔

ترجمان این آئی سی وی ڈی کراچی کے مطابق این آئی سی وی ڈی دنیا کی سب سے بڑی مفت کارڈیک کیئر فراہم کرنے والی سہولت بن چکا ہے۔

ترجمان کا کہنا تھا کہ سال 2024 میں NICVD کراچی نے 13 لاکھ سے زائد مریضوں کو جدید کارڈیک کیئر کی خدمات فراہم کیں اور یہ سب خدمات مکمل طور پر مفت تھیں۔