پی ٹی آئی کے اہم رہنما نے استعفی ٰ دینے کا اعلان کر دیا

تفصیلات کے مطابق سندھ اسمبلی میں پی ٹی آئی  رہنما فردوس شمیم نقوی نے اپنی رکنیت سے مستعفیٰ ہونے کا اعلان کیا ہے، ان کا کہنا ہے کہ میں احتجا جاّ اپنے عہدے سے مستعفیٰ ہو رہا ہوں ۔اسمبلی آج سے غیر جمہوری ہو گئی۔

انہوں نے مزید کہا کہ سندھ اسمبلی میں کردار ادا نہیں کرنے دیا جا رہا ، کل تحریری طور پر استعفیٰ جمع کروا دوں گا ۔

سندھ اسمبلی میں اپوزیشن لیڈر حلیم عادل شیخ نے میڈیا سے گفتگو میں کہا کہ اسمبلی میں کل جو کیا گیا تھا وہ احساس دلانے کے لیے کیا گیا، اسمبلی کسی کے باپ کی جاگیر نہیں یہ عوام اور ممبران کی ہے، کل انھوں نے اسپیشل برانچ کےغنڈے بلاول ہاؤس سے بھجوائے، اس افسوس کے عالم میں فردوس شمیم نے استعفیٰ دیا، فردوس شمیم صاحب عمران خان کے پرانے ساتھی ہیں۔