جوہر ٹاؤن دھماکہ: دبئی میں دشمن ملک کے انڈر ورلڈ مافیا کا کردار سامنے آگیا

تفصیلات کے مطابق  جوہر ٹاؤن دھماکےمیں دبئی میں دشمن ملک کے انڈر ورلڈ مافیا کا بھی کردار سامنے آگیا ، مرکزی ملزم پیٹر پال  سے دبئی کی جیلوں میں قید دشمن ملک کے انڈرولڈ مافیا نےبھی   رابطہ کیا ۔

ذرائع کا کہنا ہے کہ  پیٹر پال ڈیوڈ نے کچھ عرصہ  دبئی کی  جیل میں بھی گزارے ہیں ، دشمن ملک کے انڈرولڈ مافیا نے ہی پیٹر ڈیوڈ کو جیل سے رہائی دلوائی تھی۔دبئی جیل میں پیٹر ڈیوڈ کی طرح  آٹھ  دیگر قیدیوں کو بھی رہائی دلوائی گئی تھی۔ذرائع کے مطابق قانون نافذ کرنے والے اداروں نے جیل سے رہائی پانے والے باقی سات پاکستانیوں کی تلاش بھی شروع کر دی ہے ۔

واضح رہے کہ 23 جون کو جوہر ٹاؤن میں ایک کار بم دھماکے کے نتیجے میں 5 افراد جاں بحق جب کہ متعدد زخمی ہوگئے تھے۔ 25 جون کو قانون نافذ کرنے والے اداروں نے لاہور ایئرپورٹ سے پیٹر پال ڈیوڈ نامی ایک مشتبہ شخص کو گرفتار کیا تھا۔ جو غیر ملکی شہری بتایا جارہا ہے۔