نئے سال کے تیسرے روز بھی سونے کی قیمت میں اضافہ

کراچی: نئے سال کے آغاز سے ملک میں سونے کی قیمت میں مسلسل تیسرے روز بھی اضافہ ریکارڈ کیا گیا۔
آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں 2200 روپے اضافہ ہوا ہے جس کے بعد ملک میں24 گرام سونے کی فی تولہ قیمت 2 لاکھ 76 ہزار 900 روپے ہے۔
اسی طرح10 گرام سونے کی قیمت 1886 روپے کااضافہ ہوا ہے  جس کے بعددس گرام سونے کی قیمت 2 لاکھ 37 ہزار 397 روپے ہو گئی ہے۔
دوسری جانب عالمی مارکیٹ میں سونے کی قیمت 22 ڈالر اضافہ ہوا جس کے بعد سونے کی نئی قیمت 2657  ڈالر فی اونس ہو گئی ہے۔

واضح رہے کہ نئے سال کے آغاز کے ساتھ ہی سونے کی قیمتوں میں مسلسل اضافہ ریکارڈ کیا جا رہا ہے۔