دہشتگرد تنظیم بی ایل اے کا تربت میں معصوم شہریوں پر حملہ،4 افراد شہید ، متعدد زخمی

کالعدم دہشتگرد تنظیم بی ایل اے نے تربت حملے کی ذمہ داری قبول کرلی ہے،ثابت ہوتا ہے کہ دہشتگرد تنظیم بی ایل اے اپنے مذموم مقاصد کیلئے معصوم شہریوں کو نشانہ بناتی ہے۔
 سکیورٹی ذرائع کے مطابق4 جنوری 2025 کو کالعدم دہشتگرد تنظیم بی ایل اے نے تربت میں ایک مسافر بس پر حملہ کیا،اس دہشتگرد حملے میں شہید ہونے والے افراد میں نور خان ولد دوشمبے ،عبدالوہاب ولد عظیم ،اعجاز ولد زر محمد ،لیاقت علی ولد الہندا خان شامل ہیں،اس حملے کی ذمہ داری بھی بی ایل اے نے قبول کرلی ہے،اس حملے سے یہ ثابت ہوتا ہے کہ دہشتگرد تنظیم بی ایل اے اپنے مذموم مقاصد کیلئے معصوم شہریوں کو نشانہ بناتی ہے
ایک جانب بی ایل اے خود کو بلوچ عوام کے حقوق کا علمبردار قرار دیتی ہےجبکہ دوسری جانب ان معصوم بلوچوں کی جان کی بھی دشمن ہے
یہ حملہ بھی بی ایل اے کی منافقت کا کھلا ثبوت ہے اور ثابت کرتا ہے کہ ان کی تربیت ہی معصوم لوگوں کی جان لینا ہے۔
بی ایل اے کی بلوچ عوام کیخلاف نفرت کا اندازہ اس بات سے لگایا جاسکتا ہے  کہ اس نے ایک سال میں 100 سے زائد معصوم بلوچ شہریوں کوشہید کیا-
واضح رہے کہ گزشتہ سال 9 نومبر کو بھی ایک خود کش حملے میں بی ایل اے نے 10 سے زائد معصوم بلوچ شہریوں کی جان لی،کالعدم بی ایل اے  عوام دشمنی کا ثبوت دیتے ہوئے اپنے ہی لوگوں کے خلاف بیرونی قوتوں کے ایجنڈے پر عمل کرتے ہوئے ان کی زندگیوں سے کھیل رہی ہے۔

ذرائع کا مزید کہنا ہے کہ بی ایل اے بیرونی طاقتوں، خصوصاً بھارتی خفیہ ایجنسی را، اسرائیلی ایجنسی موساد اور مغربی قوتوں کا آلہ کار ہے، مکتی باہنی جیسی دہشتگرد حکمت عملی اپنانا بی ایل اے کی سازش کا حصہ ہے۔