پٹرولیم مصنوعات 6 روپے فی لٹر تک مہنگی ہونے کا امکان

تفصیلات کے مطابق  اوگرا نے پٹرولیم مصنوعات کی قیمتوں میں اضافے کی سمری حکومت کو ارسال کر دی ہے۔

اوگرا کی جانب سے  بھجوائی گئی سمری  میں  ہائی سپیڈ ڈیزل کی قیمت میں 3 روپے اضافے کی سفارش کی گئی ہے جبکہ  پٹرول کی قیمت میں 6 روپے فی لٹر اضافے کی تجویز کی گئی ہے۔

سمری موجودہ پٹرولیم لیوی کے مطابق تیار کی گئی ہے،پٹرولیم لیوی 30 روپے فی لٹر کی صورت میں قیمتوں میں اضافہ مزید بڑھ سکتا ہے۔پٹرولیم لیوی میں اضافہ ہوا تو ڈیزل 34 ، پٹرول 37 روپے لٹر مہنگا ہو گا۔

واضح رہے کہ  15 جون 2021  کو  پٹرول کی قیمت میں 2روپے 13پیسے  فی لٹر اضافہ کیا گیا تھا اور پٹرول کی نئی قیمت 110روپے 69 پیسے فی لٹر ہوگئی تھی  ۔ہائی سپیڈ   ڈیزل کی قیمت میں  1روپیہ 79پیسےفی لٹر اضافہ ہو گیا تھا۔مٹی کا تیل  1روپیہ89پیسے اور لائٹ ڈیزل 2روپے3پیسے مہنگا ہو گیا تھا۔