گجرات میں 6بھائیوں کی 6 بہنوں کیساتھ سادگی سے شادی ،منفرد روایت قائم

گجرات: پنجاب کے ضلع گجرات کے علاقے جلالپور پیروالہ میں چھ بھائیوں نے چھ بہنوں کے ساتھ سادگی سے شادی کر کے ایک نئی اور منفرد راویت قایم کر دی ہے۔ 

دلہاؤں میں سے نگران عباس اور کامران عباس نے بتایا کہ ہم نے دلہن کے خاندان پر بوجھ نہ ڈالنے کے لیے جہیز کا انتظام خود کیا ہے، ہم جہیز لینے کے خلاف ہیں۔

انہوں نے کہا کہ محمد ﷺ ہمیں سادگی سے شادی کرنے کا درس دیتے ہیں اور ہم نے مہمانوں کی طرف سے بھی روایتی ”سلامی“ (نقد تحائف) سے بھی انکار کر دیا ہے۔

اس نادر اور دلکش تقریب نے مشترکہ شادیوں میں ایک نئی روایت کو اجاگر کرتے ہوئے خطے کی بھرپور توجہ حاصل کر لی ہے۔

 اس تقریب نے نہ صرف چھ جوڑوں کو رشتہ ازدواج میں باندھا ، بلکہ سماجی توقعات کے بوجھ تلےدبے والدین کیلئے امید کی ایک شمع بھی روشن کی۔