تحریک انصاف کی مذاکراتی کمیٹی کو بانی پی ٹی آئی سے ملاقات کی اجازت نہ مل سکی

اسلام آباد:پاکستان تحریک انصاف کے رہنمااور مذاکراتی کمیٹی کے ارکان بانی پی ٹی آئی سے اڈیالہ جیل میں ملاقات کے لیے منتظر ہیں، تاہم مذاکراتی کمیٹی کو ابھی تک ملاقات کی اجازت نہ مل سکی۔
 رہنماپاکستا ن تحریک انصاف اور سابق اسپیکر قومی اسمبلی اسد قیصر نے کہا کہ حکومت نے بانی سے ملاقات سے متعلق رابطہ نہیں کیا ہے۔
واضح رہے کہ اس سے تحریک انصاف کے سیکرٹری جنرل سلمان اکرم راجا نے کہا تھاکہ بانی سے ملاقات نہ ہوئی تو حکومت کے ساتھ تیسری بیٹھک کا کوئی مقصد نہیں ہوگا، فیصل جاوید نے کہا کہ اس طرح کی صورتحال میں مذاکرات آگے نہیں بڑھتے ہیں۔
ان کا مزید کہنا تھا کہ پہلی نشست میں حکومت نے ملاقات کرانے کا وعدہ کیا تھا، اسپیکر سے بھی رابطہ کیا، یادہانی کروائی تاہم کچھ نہیں ہورہا، بانی پی ٹی آئی سے ملاقات نہ کرانے کی وجہ بھی نہیں بتائی جارہی۔
پی ٹی آئی سیکرٹری جنرل کا مزید کہنا تھا کہ ہمارے دو مطالبات مانے جائیں تو پھر انتخابات سمیت مزید معاملات پر بھی بات ہوگی، ہم بانی پی ٹی آئی سے ملاقات کیلئے اسلام آباد میں موجود ہیں، آج بھی ملاقات کرائی جاسکتی ہے۔