سیاحوں کو لے جانیوالا طیارہ سمندر میں گر گیاتباہ، 3 افراد ہلاک

سڈنی :مغربی آسٹریلیا کے قر یب یورپی سیاحوں کو لے کر جانے والا ایک چھوٹا طیارسمندر میں گر کر تباہ ہو گیا، جس کے نتیجے میں طیارے میںسوار تین افراد ہلاک ہو گئے۔
غیر ملکی خبر رساں ادارے کے مطابق طیارے نےمنگل کی شام کو آسٹریلیا کے روٹنسٹ جزیرے سے اڑان بھری تھی کہ اس دوران وہ حادثے کا شکار ہو کر تباہ ہو گیا۔
خیال رہے کہ روٹنسٹ آسٹریلیا میں ایک مشہور سیاحتی مقام ہے۔
حادثے کے بعد سرچ ٹیموں نے طیارے کے ملبے کو پانی سے باہر نکالا۔ حادثے میں 3 افراد کی موت کی تصدیق جبکہ 4 افراد کو زندہ بچا لیا گیا ہے۔ حادثے میں زخمی ہونے والے افراد کو پرتھ کے اسپتال لے جایا گیا۔
حادثے میں ہلاک ہونے والوں میں سوئٹزرلینڈ کی 65 سالہ خاتون، ڈنمارک سے تعلق رکھنے والا 60 سالہ شخص اور مقامی علاقے سے تعلق رکھنے والا 34 سالہ پائلٹ شامل ہے۔
دوسری جانب آسڑیلوی حکام نے حادثے کی وجوہات جاننے کیلئے تحقیقات کا آغاز کردیا گیا ہے۔