نشستیں بڑھانےکا آئینی ترمیمی بل سینیٹ کمیٹی سے منظور

سینیٹ کی قائمہ کمیٹی برائےقانون و انصاف نےبلوچستان میں نشستیں بڑھانےکےآئینی ترمیمی بل کی منظوری دے دی۔

تفصیلات کے مطابق سینیٹرفاروق ایچ نائیک کی زیر صدارت سینیٹ کی قائمہ کمیٹی برائےقانون و انصاف کا اجلاس ہوا۔

بلوچستان میں نشستیں بڑھانے کے آئینی ترمیمی بل سے متعلق بنائی گئی ذیلی کمیٹی کی رپورٹ اجلاس میں پیش کی گئی۔

سینیٹرضمیر حسین نے کہا کہ ہم نے تجویز کیا ہے کہ بلوچستان میں نشستیں 65 سے 80 کی جائیں جبکہ سینیٹر کامران مرتضیٰ کا کہنا تھا بڑھانی ہیں توقومی اسمبلی میں سیٹیں بڑھائیں ، فاروق ایچ نائیک کا کہنا تھا رپورٹ میں یہ نہیں ہےکہ خواتین کی نشستیں اور اقلیتوں کی نشستیں کتنی کتنی ہوں گی، ہم اس بل کو وزارت قانون کو بھیج دیتےہیں۔

سینیٹر ضمیرحسین گھمرو کا کہنا تھا اگر جنرل سیٹیں بڑھیں گی تو مخصوص نشستیں خودبخود بڑھ جائیں گی،جس پر چیئرمین کمیٹی کا کہناتھا اقلیت کی نشستیں زیادہ بڑھیں گی بل میں کم ہے،بل میں جو ٹیبل بنایا گیا اسے منظور کر لینا چاہیے۔

سینیٹرکامران مرتضیٰ کا کہنا تھا 63 اے میں 4 جگہیں ہیں جہاں پر پابندی ہے،جس پر چیئرمین کمیٹی فاروق ایچ نائیک کا کہنا تھا ایوان میں جب رپورٹ آئے توآپ اعتراضات اٹھائیے گا ۔