وزات خزانہ نے نئے مالی سال کیلئے وفاقی سرکاری ملازمین کے بجٹ تخمینوں پر کام کرناشروع کر دیا

اسلام آباد: وزارت خزانہ نے آئندہ مالی سال کے لیے وفاقی سرکاری ملازمین کے بجٹ تخمینوں پر کام شروع کردیا۔
سرکاری ذرائع کے مطابق تمام فالتوآسامیاں ختم اورنئی آسامیوں کی تخلیق پرپابندی ہوگی، اس حوالے سےوزارت خزانہ نے تمام وزارتوں، ڈویژنز، محکموں کو ہدایات جاری کر دی ۔
دستاویز کے مطابق تمام وزارتوں اور ڈویژنز سے آسامیوں کی تفصیلات 6 فروری تک طلب کرلیں ،۔
کسی بھی وزارت، ڈویژن یا محکمے میں نئی آسامیوں کی اجازت نہیں ہوگی، نئی آسامیوں کی تخلیق وزارت خزانہ کی پیشگی منظوری سے مشروط ہو گی۔
دوسری جانب وزارت خزانہ نےمنظور شدہ، پُر اورخالی آسامیوں کی تفصیلات مانگی ہیں، وزارت خزانہ نے 31 جنوری تک منظورشدہ آسامیوں کا ڈیٹا مانگا ہے، تین سال عرصے سے خالی آسامیوں کی نشاندہی اور ختم کرنے کی ہدایت کی ہے۔