190 ملین پاؤنڈ کیس کی تحقیقات برطانوی ایجنسی نے خود کیں ہیں ، وفاقی وزیر اطلاعات

وفاقی وزیر اطلاعات عطا تارڑ نے کہا ہے کہ 190 ملین پاؤنڈ کیس کی تحقیقات برطانوی ایجنسی نے کی۔

وفاقی وزیر اطلاعات عطا تارڑ نے علمائے کرام کے ساتھ نیوز کانفرنس کرتے ہوئے کہا کہ حکومت کے دو تین کرداروں نے فیصلہ کیا انگوٹھیاں لینی ہیں، گھر بنانا ہے، زمان پارک کا گھر گرا کر 25 کروڑ میں نیا گھر بنایا گیا۔

ان کا کہنا تھا کہ آپ سیاست سے مذہب کو دور رکھیں، جب کچھ نہیں ملتا تو کہتے ہیں مذہب سے محبت کی سزا مل رہی ہے، سیاست ہوتی رہے گی مگر دین کا نام نہ لیں۔

انہوں نے کہا کہ 80 سے 90 ارب روپے کا گھپلا ہوا ہے، القادر کی زمین خریدی گئی 28 کروڑ اکاؤنٹ میں گئے، القادر یونیورسٹی میں بچے کارٹون دیکھ رہے، کوئی کھیل رہا ہے، ہر بات میں مذہب کو لے آتے ہیں۔

عطا تارڑ نے کہا کہ 190 ملین پاؤنڈ کیس کی تحقیقات برطانوی ایجنسی نے کی، پیسہ حکومت کی بجائے اسی شخص کو واپس کیا گیا جس سے ضبط کیا گیا تھا، پی ٹی آئی اپنی چوری چھپانے کیلئے مذہب کا استعمال کررہی ہے ۔