ڈاکٹر عافیہ صدیقی نے امریکی صدر جوبائیڈن سے معافی کی اپیل کردی، برطانوی میڈیاکا دعویٰ

لندن: برطانوی میڈیا کی جانب سے دعویٰ کیا گیا ہےکہ امریکی جیل میں قید ڈاکٹر عافیہ صدیقی نے صدر بائیڈن سے صدارتی معافی کی اپیل کردی ہے۔ 
اپنی رپورٹ میںبرطانوی میڈیا کا کہنا تھا کہ ڈاکٹر عافیہ صدیقی نے امریکی صدر سے اپیل کی ہےکہ وہ صدارت سے سبکدوش ہونے سے پہلے ان کی سزا معاف کردیں۔
رپورٹ میں مزید کہا گیا ہے کہ عافیہ صدیقی نے اپنے وکلا کے ذریعے لکھے گئے پیغام میں کہا ہے کہ وہ ناانصافی کا شکار ہیں، ہر دن اذیت ناک ہے، یہ آسان نہیں ہے، ان شاء اللہ ایک دن میں اس عذاب سے آزاد ہوجاؤں گی۔
دوسری جانب ڈاکٹر عافیہ صدیقی کے وکیل نے امریکی صدر سے معافی کا مطالبہ کرتے ہوئے انہیں ڈوزیئر بھی پیش کیاہے۔
برطانوی میڈیا کے مطابق ڈاکٹر عافیہ کے امریکی وکیلکلائیو سٹافورڈ صدارتی معافی کےلیے پرامید ہیں، وہ صرف جو بائیڈن ہی نہیں بلکہ ٹرمپ انتظامیہ سے معافی ملنے کے امکان کو درست سمجھتے ہیں۔
خیال رہے کہ امریکی صدر جوبائيڈن کے دور صدارت کاآج آخری دن ہے اوراس کے بعد 20 جنوری کو نومنتخب صدر ڈونلڈ ٹرمپ حلف اٹھائیں گے،اور صدرجو بائیڈن اپنے بیٹے سمیت 39 افرادکو صدارتی معافی دے چکے ہیں۔
واضح رہے کہ ڈاکٹر عافیہ صدیقی امریکا میں ایک متنازع عدالتی فیصلےکے باعث 86 سالہ سزا کاٹ رہی ہیں۔