تقریب حلف برداری میں سبکدوش ہونے والے صدر جو بائیڈن ،بل کلنٹن، جارج ڈبلیو بش، اور براک اوباما،بھی شرکت کریں گے،امریکی میڈیا


واشنگٹن ڈی سی:نو منتخب صدر ٹرمپ آج امریکہ کے 47 ویں صدر کی حیثیت سے حلف اٹھائیں گے، جس کے بعد وہ خطاب کریں گے اور اپنے اہداف کا اعلان کریں گے۔
امریکی میڈیاکے مطابق نومنتخب امریکی صدر ڈونلڈ ٹرمپ کی حلف برداری سے قبل تقریبات کا آغاز ہوگیا ہے۔
سرد موسم کے باعث حلف برداری کی تقریب کھلے میدان کی بجائے عمارت کےاندر روٹنڈا ہال میں ہوگی، واشنگٹن میں درجہ حرارت منفی گیارہ ڈگری تک گر سکتا ہے۔
چالیس سال بعد امریکہ کے منتخب صدر کی تقریب انِڈور منعقد ہو گی۔اس سے قبل 1985 میں امریکی صدر رونالڈ ریگن کی دوسری مدت کی تقریب حلف برداری اِن ڈور ہوئی تھی۔
امریکی سپریم کورٹ کے چیف جسٹس جان رابرٹس ان سے عہدے کا حلف لیں گے۔حلف برداری کی یہ روایت ہر چار سال بعد منعقد کی جاتی ہے، جو منتخب صدر کی آئندہ مدت کے آغاز کی علامت ہوتی ہے۔
نومنتخب صدر کی تقریب حلف برداری میں سبکدوش ہونے والے صدر جو بائیڈن ،بل کلنٹن، جارج ڈبلیو بش، اور براک اوباما،بھی شرکت کریں گے۔ ان کے ہمراہ ان کی بیویاں بھی ہوں گی۔
تاہم، سابق خاتون اول مشیل اوباما تقریب میں شریک نہیں ہوں گی۔
خیال رہے کہ ڈونلڈ ٹرمپ پہلے ہی اعلان کر چکے ہیں کہ وہ عہدہ سنبھالنے کے پہلے دن ہی متعدد ایگزیکٹو آرڈرز پر دستخط کریں گے، جن کا مقصد بائیڈن انتظامیہ کی پالیسیوں کو ختم کرنا ہے، جن میں جلاوطنی کے ایک بڑے پروگرام کا آغاز، تیل کی کھدائی میں اضافہ، اور 6 جنوری 2021 کے کیپیٹل ہاؤس فسادات میں ملوث افراد کی معافی شامل ہیں۔
حلف برداری کے فوراً بعد امریکی حکام اور جاپان، بھارت، اور آسٹریلیا کے وزرائے خارجہ کے درمیان ملاقات متوقع ہے، جو چین کے بڑھتے ہوئے اثر و رسوخ کا مقابلہ کرنے کے لیے کوارڈ گروپ کی اہمیت کو اجاگر کرے گی۔
ڈونلڈ ٹرمپ اہلیہ کے ہمراہ واشنگٹن پہنچ گئے ہیں ، واشنگٹن روانگی سے قبل ورجینیا میں ٹرمپ کے اعزاز میں شاندار آتش بازی کی گئی۔
واضح رہے کہ ٹرمپ نے نومبر 2024 کے الیکشن میں ڈیموکریٹ امیدوار اور نائب صدر کاملا ہیرس کو شکست دی تھی۔

پاکستان اور تاجکستان کی مشترکہ فوجی مشق دوستی تھری چراٹ میں اختتام پذیر
- 11 days ago
پہلے ایل پی جی اوراب بجلی بم گرا دیا گیا
- 10 days ago

ڈی جی آئی ایس پی آر کی لاہور کی جامعات آمد، طلبہ سے خصوصی نشستیں
- 9 days ago

پیٹرول اور ڈیزل کی قیمتوں میں کمی کا اعلان
- 11 days ago

نئی لالی وڈ فلم ’عاشق رنگ رنگیلے‘ سینما گھروں کی زینت بن گئی
- 9 days ago

پی پی 203 چیچہ وطنی کے ضمنی انتخاب میں مسلم لیگ (ن) کا امیدوار بازی لے گیا
- 8 days ago

راولپنڈی: گھر سے خاتون اینکر ربیعہ احسن کی گولی لگی لاش برآمد
- 8 days ago

پشاور میں نادرا کا اسسٹنٹ ڈائریکٹر فائرنگ سے جاں بحق
- 10 days ago

وی آئی پی وزٹ کی وجہ سے امتحانات ملتوی کرنے پر ڈی سی جہلم عہدے سے فارغ
- 8 days ago

پاکستانی فلم ’میرا لیاری‘ نے بیلاروس کے معروف لسٹاپڈ فلم فیسٹیول میں اسپیشل جیوری ایوارڈ جیت لیا
- 9 days ago

پولیس افسران کی ترقیوں کے خلاف پنجاب حکومت کی اپیلیں خارج
- 9 days ago

انڈر 19 ایشیا کپ: پاکستان نے بھارت کو 3 وکٹ سے شکست دے دی
- 8 days ago








