سیکیورٹی فورسز کا تین مختف مقامات پر انٹیلیجنس بیسڈ آپریشن ، 30 خوارجی ہلاک

آئی ایس پی آر کا کہنا ہے کہ سیکیورٹی فورسز نے خیبر پختونخواہ میں تین مختف مقامات پر انٹیلیجنس بیسڈ آپریشن کیا جس کے نتیجے میں 30 خوارج دہشتگرد ہلاک ہو گئے۔

پاک فوج کے شعبہ تعلقات عامہ (آئی ایس پی آر) کے مطابق سیکیورٹی فورسز نے لکی مروت میں انٹیلیجنس بیسڈ آپریشن کیا اس دوران 18 خوارج ہلاک اور 6 زخمی ہوئے۔

ترجمان پاک کا کہنا ہے کہ سیکیورٹی نے ضلع کرک میں انٹیلیجنس بیسڈ آپریشن کے دوران 8 خوارج کو ہلاک کردیا۔

پاک فوج کے شعبہ تعلقات عامہ (آئی ایس پی آر) نے مزید کہا کہ علاقے میں ممکنہ خوارج کے خاتمے کے لیے کلیئرنس آپریشن جاری ہے، سیکیورٹی فورسز دہشت گردی کے خاتمے کے لیے پرعزم ہیں۔

آئی ایس پی آر کے مطابق سیکیورٹی فورسز کی ضلع خیبر کے علاقے باغ میں خوارج سے جھڑپ ہوئی، خوارج سرغنہ عزیز الرحمان عرف قاری اسماعیل اور خوارج مخلص سمیت 4 خوارج ہلاک اور 2 زخمی ہوئے۔

ترجمان پاک فوج کا کہنا ہے کہ کارروائیوں کے دوران ہتھیاروں اور گولیاں بھی برآمد کرلی گئیں۔