پارلیمانی کمیٹی برائے قومی سلامتی کا ان کیمرہ اجلاس شروع

تفصیلات کے مطابق اجلاس میں آرمی چیف جنرل قمر جاوید باجوہ  اور  ڈی جی آئی ایس آئی سوالوں کے جوابات  دیں گے ۔ عسکری قیادت علاقائی صورتحال پر سیاسی قیادت کو اعتمادمیں لے گی ۔ 

ان کیمرہ اجلاس میں افغانستان کی صورتحال ، امریکہ فوج کے انخلا  اور اس کے بعد کی صورتحال ، بھارت اور مقبوضہ کشمیر کی صورتحال پر بریفنگ دی جائے گی ۔ ڈی آئی ایس آئی پارلیمانی کمیٹی کو بریفینگ دیں گے ۔ اجلاس میں اپوزیشن لیڈر شہباز شریف ، چیئرمین پیپلز پارٹی بلاول بھٹو زرداری موجود ہیں ۔ اسپیکر قومی اسمبلی اجلاس اسد قیصر اجلاس کی صدارت کررہے ہیں ۔سید یوسف رضا گیلانی ،  پرویز اشرف اور شیری رحمان  بھی اجلاس میں موجود ہیں ۔ 

ذرائع کے مطابق ان کیمرہ اجلاس میں ملک کی داخلی صورتحال پر بھی بریفنگ دی جائیگی ۔ پارلیمانی کمیٹی برائے قومی سلامتی کے اجلاس میں پارلیمانی جماعتوں کے نمائندے کو بھی شرکت کی دعوت دی گئی ۔