جوڈیشل کمیشن اجلاس میں لاہورہائیکورٹ کےلیے9 ایڈیشنل ججز کے ناموں کی منظوری

اسلام آباد:جوڈیشل کمیشن جلاس میںلاہورہائیکورٹ کےلیے 9ایڈیشنل ججز کی تقرری کی منظوری دے دی گئی ہے۔
جوڈیشل کمیشن کا اجلاس چیف جسٹس پاکستان جسٹس یحییٰ آفریدی کی زیرصدارت ہوا۔
 اجلاس میں لاہورہائیکورٹ کے لیے ایڈیشنل ججز کے ناموں پر غور کیا گیا،جوڈیشل کمیشن نے لاہورہائیکورٹ کے ایڈیشنل ججز کے لیے 9 ناموں کی منظوری دے دی گئی۔
جوڈیشل کمیشن کی جانب سے حسن نواز مخدوم، ملک وقار حیدراعوان، سردار اکبرعلی، جاوید اقبال وینس، سید احسن رضا کاظمی، محمد جواد ظفر، خالد اسحاق، ملک محمد اویس خالد اور چوہدری سلطان محمود کے ناموں کی منظوری دی گئی۔
ذرائع کے مطابق جوڈیشل کمیشن اجلاس کا اعلامیہ کچھ دیر میں جاری کیا جائے گا۔