پاکستان اور او آئی سی کے درمیان تجارت، سرمایہ کاری اور ترقیاتی شراکت داری پر اتفاق

پاکستان اور او آئی سی کے درمیان تجارت، سرمایہ کاری اور ترقیاتی شراکت داری کے استحکام پر اتفاق کیا گیا ہے۔

وفاقی وزیر تجارت جام کمال خان کی او آئی سی کے سیکریٹری جنرل حسین ابراہیم طہہ سے ملاقات ہوئی جس میں او آئی سی کے رکن ممالک کے درمیان اقتصادی و تجارتی تعاون پر تبادلہ خیال کیا گیا۔

پاکستان نے او آئی سی سیکریٹری جنرل کو ’’میڈ ان پاکستان‘‘ نمائش کے دورے کی دعوت دی ، وفاقی وزیر تجارت جام کمال نے مزید کہا کہ لاہور میں 18ویں او آئی سی تجارتی نمائش کے انعقاد کے لیے پاکستان پر عزم ہے۔

ملاقات کے دوران جام کمال خان کا یہ بھی کہنا تھا کہ پاکستان، او آئی سی کے ساتھ اقتصادی شراکت داری کو مزید فروغ دینے کے لیے پرعزم ہے، مسلم دنیا میں اقتصادی اور تجارتی روابط مضبوط کرنا وقت کی ضرورت ہے۔

او آئی سی سیکریٹری جنرل حسین ابراہیم طہہ نے پاکستان کے اقتصادی انضمام کے فروغ کے اقدامات کی تعریف کی۔