محسن نقوی کا قذافی اسٹیڈیم کی افتتاحی تقریب کے انتظامات کا جائزہ

پاکستان کرکٹ بورڈ (پی سی بی) کے چیئرمینمحسن نقوی چین سے واپسی کے بعد علی الصبح قذافی اسٹیڈیم پہنچ گئے اور قذافی اسٹیڈیم کی افتتاحی تقریب کے انتظامات کا جائزہ لیا۔

انکا کہنا تھا کہ دنیائے کرکٹ کا خوبصورت ترین و عالمی معیار کا قذافی سٹیڈیم ریکارڈ مدت میں مکمل ہوا ہے، قوم سے کیا وعدہ پورا ہونے پر اللہ تعالٰی کا شکر گزار ہوں۔

چیئرمین پی سی بی محسن نقوی نے افتتاحی تقریب کے لئے شاندار انتظامات کی ہدایت کرتے ہوئے کہا کہ ایونٹ کو نئے قذافی اسٹیڈیم کے شایان شان ہونا چاہیے، آج پاکستان کے لئے فخر کا مقام ہے، ریکارڈ مدت میں قذافی سٹیڈیم کی تعمیر نو کا کام مکمل کرنے کا کریڈٹ پوری ٹیم کو جاتا ہے۔

محسن نقوی نے مزید کہا کہ شائقین کرکٹ اور کھلاڑی اسٹیڈیم میں فراہم کردہ جدید سہولتوں سے محظوظ ہوں گے، ورکرز، ایف ڈبلیو او، نیسپاک، کنٹریکٹر اور پی سی بی کا تہہ دل سے شکریہ ادا کرتا ہوں۔