آئی سی چیمپئنز ٹرافی کی سکیورٹی پر فوج تعینات کرنے کی منظوری

اسلام آباد: آئی سی سی چیمپئنز ٹرافی ٹورنامنٹ کے لیے فول پروف سیکیورٹی انتظامات کے سلسلے میں وفاقی حکومت نے فوج تعینات کرنے کی منظوری دے دی ہے۔
 وفاقی کابینہ نے آئی سی سی چیمپئنز ٹرافی کے لیے آئین کے آرٹیکل 245 کے تحت فوج تعینات کرنے کی منظوری  دے دی ہے۔چیمپئنز ٹرافی میں پاک فوج، سول آرمڈ فورسز اور پولیس اہلکارسکیورٹی کے فرائض سر انجام دیں گے۔
اس حوالے سے پی سی بی، پنجاب اور سندھ کی درخواست پر وفاقی کابینہ سے سیکیورٹی کی منظوری لی گئی۔
وزارت داخلہ نے ٹیموں کی سکیورٹی کیلئے اداروں اور محکمہ داخلہ کو ہدایات جاری کر دی ہیں۔ چیمپیئنز ٹرافی کے لئے آنے والی ٹیموں کو پریزینٹیشن لیول کی سکیورٹی فراہم کی جائے گی۔
خیال رہےکہ چیمپئنز ٹرافی کے لیے 12 فروری سے ٹیمیں پاکستان پہنچ رہی ہیں ، جبکہ ٹورنامنٹ کا آغاز 19فروری سے ہوگا،افتتاحی میچ میں پاکستان اور نیوزی لینڈ کی ٹیمیں آمنے سامنے ہوں گی، جبکہ پاک بھارت ٹاکرا 23 فروری کو دبئی میں ہو گا۔