گوئٹے مالا : مسافر بس گہری کھائی میں جا گری،51افراد ہلاک متعدد زخمی

گوئٹے مالا سٹی : وسطی امریکہ کے ملک گوئٹے مالا میں مسافر بس گہری کھائی میں جاگری، جس کے نتیجے میں51 افراد ہلاک اور 10 زخمی ہوگئے۔ 
غیر ملکی میٖڈیا رپورٹس کے مطابق ریسکیو اہلکاروں کی جانب سے بس میں پھنسے دیگر افراد کو نکالنے کے لیے امدادی کارروائیاں کی جا رہی ہیں۔
ریسکیو حکام کے مطابق حادثے میں زخمی ہونے والے افراد اور جاں بحق افراد کی لاشوں کو قریبی اسپتال منتقل کیا جارہا ہے۔  
اب تک کی ابتدائی تفتیش کے مطابق حادثے کا شکار ہونے والی مسافر بس میں 75 افراد سوار تھے۔ پولیس حادثے کی تحقیقات کر رہی ہے۔
دوسری جانب اس سانحے کے ردعمل میں، گوئٹے مالا کے صدر برنارڈو اریوالو نے تین روزہ قومی سوگ کا اعلان کیا ہے۔ صدر کی جانب سے جاری بیان میں مزید کہا گیا ہے کہ امدادی کاموں میں مدد کے لیے فوج اور ڈیزاسٹر ایجنسیوں کو تعینات کر دیا گیا ہے۔

 انہوں نے کہا، "میں متاثرین کے خاندانوں کے ساتھ گہرے دکھ اور افسوس کا اظہار کرتے ہوں اور دکھ کی اس گھڑی میں ان کے برابرشریک ہوں ۔