آئی ایم ایف کا وفاق کے اخراجات پر مانیٹرنگ سیل بنانے کا مطالبہ

آئی ایم ایف نے وفاق کے اخراجات پر مانیٹرنگ سیل بنانے کا مطالبہ کردیا۔
 ٹیکنیکل ٹیم نے بجٹ اخراجات کیلئے استعمال ہونے والی ہر رقم کا ریکارڈ طلب کرلیا، ذرائع کا کہنا ہے کہ یہ مطالبہ پبلک فنانس مانیٹرنگ سسٹم کی تشکیل کیلئے کیا گیا ہے ۔ 

 ذرائع کے مطابق اس ضمن میں آئی ایم ایف اپنے تحفظات کا اظہار متعدد بار کرچکا ہے،پبلک فنانس مانیٹرنگ سسٹم کو موثر بنانے کا بھی بار بار کہہ چکا ہے،مانیٹرنگ سسٹم گورننس اور بجٹ کے بہتر استعما ل کو یقینی بنانے کے لیئے لازمی قرار دیا ہے،اس ضمن میں موثر ماڈل اختیار کرنے کا بھی مطالبہ کیا ہے۔

پبلک فنانس کی ٹیم کی جانب سے آئی ایم ایف ٹیکنیکل ٹیم کو بریفنگ کے بعد یہ مطالبہ کیا گیا، آئی ایم ایف کی جانب سے بجٹ کے مشکوک استعمال پر کیا گیا ہے۔
آئی ایم ایف نے کسی بھی منصوبے کیلئےجاری فنڈز کے مکمل استعمال تک مزید فنڈز جاری نہ کرنے کا بھی مطالبہ کیا ہے،ترقیاتی فنڈز کی ریلیز کا نیا سسٹم تشکیل کرنے کا بھی مطالبہ سامنے آیا ہے،یہ سسٹم مانیٹر نگ کو فعال بنانے کیلئےلازم قرار دیا گیا ہے ۔

مانیٹرنگ کے ذریعے سامنے آنے والی ہر بے قاعدگی آئی ایم ایف کو رپورٹ کرنے کا بھی مطالبہ ہے،آئندہ بجٹ کی تشکیل اور اخراجات کیساتھ مانیٹرنگ سسٹم کو منسلک کرنے کا بھی مطالبہ کیا ہے۔