قلات میں نامعلوم مسلح افراد کا لیویز چوکی پر حملہ، ایک اہلکار شہید جبکہ دو شدید زخمی
لیویز جوانوں کی جوابی کارروائی کے بعد حملہ آور موقع سے فرار ہو گئے


قلات کے علاقے توغو چھپر میں نامعلوم مسلح افراد نے لیویز چوکی پر حملہ کر دیا، جس کے نتیجے میں ایک لیویز اہلکار شہید جبکہ دو شدید زخمی ہو گئے۔ زخمی اہلکاروں کو ڈی ایچ کیو اسپتال قلات میں ابتدائی طبی امداد کے بعد کوئٹہ منتقل کر دیا گیا۔
شہید ہونے والے لیویز اہلکار کی شناخت کانسٹیبل علی نواز لانگو کے نام سے ہوئی ہے، جبکہ زخمیوں میں کانسٹیبل غلام علی ولد گل محمد اور محمد ایوب ولد واحد بخش شامل ہیں۔ لیویز جوانوں کی جوابی کارروائی کے بعد حملہ آور موقع سے فرار ہو گئے۔ واقعے کے بعد لیویز فورس کی بھاری نفری جائے وقوعہ پر پہنچ گئی اور ملزمان کی تلاش کے لیے سرچ آپریشن شروع کر دیا گیا ہے۔
ترجمان بلوچستان حکومت نے حملے کی مذمت کرتے ہوئے کہا کہ لیویز فورس کے بہادر جوانوں نے فوری جوابی کارروائی کی، جس کے نتیجے میں حملہ آور فرار ہونے پر مجبور ہو گئے۔ ترجمان نے مزید کہا کہ حملے کی تحقیقات کا حکم دے دیا گیا ہے اور ملزمان کی گرفتاری کے لیے آپریشن جاری ہے۔
وزیراعلیٰ بلوچستان نے لیویز اہلکار علی نواز کی قربانی کو خراج عقیدت پیش کرتے ہوئے کہا کہ شہید نے اپنی جان کا نذرانہ دے کر بہادری کی مثال قائم کی۔ انہوں نے کہا کہ حکومت زخمی اہلکاروں کی جلد صحتیابی کے لیے دعا گو ہے اور لیویز فورس کی جرات مندانہ کارروائی کو سراہتی ہے۔
وزیراعظم شہباز شریف نے بھی حملے کی شدید الفاظ میں مذمت کرتے ہوئے شہید علی نواز کو خراج عقیدت پیش کیا اور زخمیوں کی جلد صحتیابی کے لیے دعا کی۔ وزیراعظم نے کہا کہ دہشت گرد بلوچستان کی ترقی اور استحکام کے دشمن ہیں اور ان کے ناپاک عزائم کو کسی صورت کامیاب نہیں ہونے دیا جائے گا۔
قلات میں پیش آنے والے اس واقعے کے بعد سیکیورٹی مزید سخت کر دی گئی ہے، جبکہ سرچ آپریشن جاری ہے تاکہ حملہ آوروں کو جلد از جلد گرفتار کیا جا سکے۔

فلسطینیوں کے خلاف اسرائیلی جنگی جرائم اور نسل کشی جیسے اقدامات کی جوابدہی ضروری ہے،شہبازشریف
- 7 گھنٹے قبل
دو دن استحکام کے بعدسونا آج ہزاروں روپے مہنگا،فی تولہ کتنے کا ہو گیا؟
- 7 گھنٹے قبل

پاکستا ن میں سجا پہلا عالمی مقابلہ حسن قرأت،فاتح کون رہا اور کتنے لاکھ کا انعام جیتا؟
- 6 گھنٹے قبل

پاکستان 27-2026 کیلئے ای سی او وزرائے خارجہ کونسل کا چیئرمین منتخب
- ایک دن قبل

حزب اللہ کا اسرائیل سے سنئیر کمانڈر کی شہادت کا بدلہ لینے کا اعلان
- 21 گھنٹے قبل

پاکستان کرکٹ بورڈنے پی ایس ایل کی دو نئی ٹیموں کیلئے بڈنگ فیس مقرر کر دی
- 5 گھنٹے قبل

خطے میں قیام امن کیلئے افغانستان میں امن ضروری ہے، طالبان سے بات چیت کرنے کوتیار ہیں،اسحاق ڈار
- 3 گھنٹے قبل

لاہور میں دوسری انٹرنیشنل باکسنگ چیمپئن شپ کے مقابلے پورے جوش و جذبے سے جاری
- 7 گھنٹے قبل

طالبان رجیم ناصرف پاکستان بلکہ پورے خطے کی سلامتی کیلئے خطرہ بن چکی ہے، آئی ایس پی آر
- 7 گھنٹے قبل
کراچی سمیت سندھ بھر میں ڈینگی کے مزید 232 کیسزرپورٹ
- 40 منٹ قبل

سہ ملکی سیریزفائنل: سری لنکا کا پاکستان کو جیت کے لیے 115 رنز کا ہدف
- 4 گھنٹے قبل

بغیر تصدیق شدہ یا جعلی دستاویزات پر بیرون ملک سفر کرنے کی اجازت نہیں دی جا سکتی،محسن نقوی
- 35 منٹ قبل








