ماریشس کے سابق وزیراعظم پراوِند جگناتھ منی لانڈنگ کے الزام میں گرفتار

ماریشس کے سابق وزیراعظم پراوِند جگناتھ کو منی لانڈنگ کے الزام میں حراست میں لے لیا گیا۔

غیر ملکی خبر رساں ادارے کے مطابق ماریشس کے سابق وزیراعظم پر منی لانڈرنگ کے الزامات تھے جس پر انہیں حراست میں لیا گیا۔ ماریشس کے سرکاری مالیاتی جرائم کے حوالے سے تحقیقات کرنے والے کمیشن ایف سی سی کی جانب سے پراوِند جگناتھ کو حراست میں لینے کی تصدیق کی گئی۔

ایف سی سی کے ترجمان نے بتایا کہ سابق وزیراعظم زیر حراست ہیں اور انہیں وسطی ماریشن کی ایک حراستی مرکز میں رکھا جائے گا۔  سابق وزیراعظم کو اس وقت حراست میں لیا گیا جب ادارے کے حکام نے پراوِند جگناتھ کی رہائشگاہ سمیت مختلف مقامات پر چھاپے مارے اور 24 لاکھ ڈالرز برآمد کیے۔

پراوِند جگناتھ کے وکیل کے مطابق سابق وزیراعظم پر منی لانڈرنگ کے الزامات عائد کرکے حراست میں لیا گیا ہے۔ سابق وزیراعظم نے منی لانڈرنگ کے الزامات کو مسترد کیا ہے۔

پراوِند جگناتھ ماریشس کی سابقہ حکومت کے دوسرے اعلیٰ ترین عہدیدار ہیں جن کو نئی حکومت کی جانب سے حراست میں لیا گیا ہے۔

اس سے قبل بینک اف ماریشس کے گورنر Harvesh Seegolam کو بھی جنوری 2025 میں گرفتار کیا گیا تھا اور بعد ازاں انہیں ضمانت پر رہا کر دیا گیا۔