بلوچستان سے سینیٹ کی خالی نشست پر ضمنی انتخاب کا شیڈول جاری

الیکشن کمیشن آف پاکستان نے بلوچستان سے سینیٹ کی خالی نشست پر ضمنی انتخاب کا شیڈول جاری کر دیا۔

الیکشن کمیشن کی جانب سے جاری بیان کے مطابق بلوچستان سے سینیٹ کی خالی نشست پر پولنگ 8 مارچ کو ہوگی، بی این پی مینگل کے محمد قاسم کے استعفی کی وجہ سے نشست خالی ہوئی تھی۔

شیڈول کے مطابق کاغذات نامزدگی 18 تا 19 فروری جمع ہوں گے،  کاغذات نامدگی کی جانچ پڑتال 22 فروری تک ہوگی۔

الیکشن کمیش نے کہا کہ  امیدواروں کی حتمی فہرست 28 فروری کو جاری ہوگی، پولنگ بلوچستان اسمبلی کے ہال میں ہوگی۔