رجب طیب اردوان نے ہمیشہ پاکستان کا دل کھول کر ساتھ دیا ، وزیر اعظم

وزیر اعظم شہباز شریف نے کہا کہ ترک صدر رجب طیب اردوان نے ہمیشہ پاکستان کا دل کھول کر ساتھ دیا ہے۔

تقریب سے خطاب کرتے ہوئے وزیراعظم شہبازشریف نے ترک صدر رجب طیب اردوان کے دورہ پاکستان کے دوران دونوں ممالک کے تعلقات کو مستحکم کرنے اور مختلف یادداشتوں اور معاہدوں پر دستخط کرنے کی اہمیت کو اجاگر کیا۔

اسلام آباد میں تعمیر ہونے والے رجب طیب اردوان فلائی اوور کے افتتاح کے موقع پر شرکاء سے خطاب کرتے ہوئے وزیر اعظم شہباز شریف نے کہا کہ یہ فلائی اوور ریکارڈ 84 دنوں میں مکمل کیا گیا۔

شہبازشریف نے مزید کہا کہ ترکیہ اور پاکستان کے برادرانہ تعلقات ہیں اور دونوں ممالک ہر فورم پر ایک دوسرے کے ساتھ مشاورت کے ذریعے کھڑے رہے ہیں۔

وزیراعظم نے کہا کہ ترک صدر نے ہمیشہ واضح انداز میں کشمیریوں کی آزادی کے لیے آواز اٹھائی اور پاکستان کا دل کھول کر ساتھ دیا۔