پاکستان کی بیٹنگ لائن بری طرح فلاپ ،بھارت کو جیت کے لیے242 رنز کا ہدف

دبئی: آئی سی سی چیمپئنز ٹرافی  کے ہائی وولٹیج ٹاکرے میں پاکستان کی بیٹنگ لائن بری طرح فلاپ ہو گئی اور پوری ٹیم 241 کے مجموعی اسکور پر ڈھیر ہو گئی۔
دبئی میں کھیلے جانے والے پاک بھارت ٹاکرے میں پاکستان نے ٹاس جیت کر پہلے بلے بازی کا فیصلہ کیا جو کہ کارآمد ثابت نہ ہو سکا اور پوری ٹیم 49 اعشاریہ 4 اوورز میں 241 رنز بنا کر آؤٹ ہوگئی۔
پاکستان کو پہلا نقصان 41 رنز پر بابر اعظم کی صورت میں اٹھانا پڑا جو 23 رنز بناکر ہاردک پانڈیا کی گیند کا شکار بنے، اس کے بعد امام الحق 10 رنز بناکر رن آؤٹ ہوگئے۔
 محمد رضوان 46 رنزبناکرآؤٹ ہوئے جبکہ سعود شکیل 62 رنزبناکر پویلین لوٹے، طیب طاہر 4 اور سلمان آغا 19 رنز بنا کر آؤٹ ہوئے۔
ان کے بعد آنے والے شاہین آفریدی بغیر کوئی رن بنائے آؤٹ ہوئے، نسیم شاہ نے 14 رنز کی اننگز کھیلی، خوشدل شاہ نے 38 اور حارث رؤف نے 8 رنز بنائے۔
بھارت کی جانب سے کلدیپ یادو نے 3 ہاردک پانڈیا نے 2، رویندرا جڈیجا اور اکشر پٹیل نے ایک، ایک وکٹ حاصل کی۔