پاکستان
پیر کے روز نیب دفتر اکیلا جاؤں گا ، گرفتار کرنا ہے تو کرلیں : سعید غنی
کراچی : صوبائی وزیر تعلیم سندھ سعید غنی نے نیب کو گرفتاری کی پیشکش کرتے ہوئے کہا ہے کہ پیر کے روز نیب دفتر اکیلا بغیر جلوس کے جاؤں گا، مجھے گرفتار کرنا ہے تو میں گرفتاری کے لیے تیارہوں۔
وزیر تعلیم سندھ سعید غنی نے میڈیا سے گفتگو کرتے ہوئے کہا کہ کل ایک بار پھر نیب کی پریس ریلیزآئی، میرے خلاف تحقیقات ہو رہی ہے میں تیار ہوں، حلیم عادل کیخلاف بات کرتاہوں توپوری نیب چل پڑتی ہے۔
سعید غنی کا کہنا تھا کہ نیب نے اینٹی کرپشن سے کیس منگوالیا ہے ، مجھے31اےکےتحت دھمکیاں دی جارہی ہیں، پیرکی صبح نیب دفترجاؤں گا ضمانت نہیں کراؤں گا ۔ نیب نے اگرگرفتار کرنا ہے توکرلینا، مجھے90 دن یا6ماہ رکھنا ہے رکھیں میں خود پر الزامات کا جواب دوں گا۔
وزیر تعلیم سندھ نے کہا کہ سب کومعلوم ہےملک میں گندم کابڑاسکینڈل ہوا، گندم پر پاکستانیوں کی جیبوں سے 100ارب روپے نکلے ہیں، حکومت نے شوگر کمیشن بنایا رپورٹ آئی پر کوئی کارروائی نہ ہوئی۔
جعلی اکاؤنٹس کیس کے حوالے سے ان کا کہنا تھا کہ یونس میمن یایونس قدوائی کو آج تک نہیں دیکھا، نیب لوگوں کی ساکھ کومجروح کرتاہے، نیب کی وجہ سے لوگوں نے خودکشی کی، پیپلزپارٹی کسی کیخلاف انتقامی کارروائیاں نہیں کرتی۔
ایم کیو ایم پر تنقید کرتے ہوئے سعید غنی نے کہا کہ ایم کیوایم کاطرزسیاست پہلےوالاہی ہے، ایم کیوایم وہی لسانیت کررہی ہے، کراچی میں ایم کیوایم والےبالکل فارغ ہوچکے ہیں۔
تجارت
سونے کی قیمت میں مسلسل کمی کا سلسلہ جاری
آل پاکستان جیمز اینڈ جیولر ایسوسی ایشن کا بتانا ہے کہ 10 گرام سونے کا بھاؤ 515 روپے کم ہوا ہے
کراچی : پاکستان میں اکتوبر کے پہلے ہی دن سونے کی قیمت میں معمولی کمی دیکھنے میں آئی ہے۔
آل پاکستان جیمز اینڈ جیولر ایسوسی ایشن کے مطابق سونے کی فی تولہ قیمت 600 روپے کم ہوئی جس کے بعد ملک میں فی تولہ سونے کی قیمت ہوکر2 لاکھ 74 ہزار 900 روپے ہوگئی ہے۔
آل پاکستان جیمز اینڈ جیولر ایسوسی ایشن کا بتانا ہے کہ 10 گرام سونے کا بھاؤ 515 روپے کم ہوا ہے اور ملک میں 10 گرام سونا 2لاکھ35ہزار682 روپے میں فروخت ہورہا ہے۔
دوسری جانب عالمی بازار میں سونے کا بھاؤ 6 ڈالر کم ہو کر 2647 ڈالر فی اونس ہے۔
تفریح
پاکستانی بینڈ کا 14 سال بعد بنگلا دیش میں کنسرٹ، ہجوم بے قابو
بنگلہ دیشی دارالحکومت ڈھاکا میں ’لیجنڈز آف دی ڈیکیڈ‘ نامی کنسرٹ میں مقامی بینڈز کے ساتھ پاکستانی بینڈ جل نے بھی پرفارم کیا
پاکستانی بینڈ کے 14 سال بعد بنگلادیش میں کنسرٹ کے دوران ہجوم کو کنٹرول کرنے کیلیے فوج بلانی پڑ گئی۔
View this post on Instagram
بنگلادیشی میڈیا کے مطابق بنگلہ دیشی دارالحکومت ڈھاکا میں ’لیجنڈز آف دی ڈیکیڈ‘ نامی کنسرٹ میں مقامی بینڈز کے ساتھ پاکستانی بینڈ جل نے بھی پرفارم کیا۔ بارش کے باعث کنسرٹ ڈھاکا ارینا سے بدل کر ایک مال میں رکھا گیا۔
کنسرٹ کے مقام پر گنجائش سے زیادہ لوگ آ گئے جس سے شدید بدنظمی ہو گئی۔ ہجوم کو کنٹرول کرنے کے لیے فوج کو بلانا پڑا۔
دنیا
اسرائیل کا جنگی جنون کم نہ ہوا، لبنان پر زمینی جنگ مسلط کر دی
اسرائیل نے شدید فضائی حملوں کے ساتھ ٹینکوں اور توپ خانے سے لبنان پر حملہ کردیا
اسرائیلی میڈیا نے دعویٰ کیا ہے کہ اسرائیل نے لبنان میں حزب اللہ کے خلاف زمینی آپریشن شروع کر دیا۔
غیر ملکی میڈیا کے مطابق اسرائیل نے شدید فضائی حملوں کے ساتھ ٹینکوں اور توپ خانے سے لبنان پر حملہ کردیا جس کے باعث لبنانی فوج سرحد سے 5 کلو میٹر پیچھے ہٹ گئی۔
ادھر حزب اللہ کا کہنا ہےکہ سرحدی قصبوں میں اسرائیلی فوج کو نشانہ بنا رہے ہیں، راکٹوں سے اسرائیلی اڈوں پر بھی حملے کیے گئے جب کہ بیروت ائیرپورٹ کے قریب اسرائیل نے حملہ کیا اور سیدون شہر میں فلسطینی پناہ گزین کیمپ کو بھی نشانہ بنایا۔
اسرائیلی میڈیا نے مزید بتایا کہ لبنان میں زمینی کارروائی 2006ء کی جنگ سے چھوٹی ہوگی جس کا مقصد اسرائیل کی سرحد کے ساتھ حزب اللہ کے ٹھکانوں کو تباہ کرنا ہے۔
میڈیا رپورٹس کے مطابق لبنان پر پیر کو اسرائیلی فضائی حملوں میں 95 شہری شہید اور 172 زخمی ہوئے۔ حزب اللہ کے قائم مقام سربراہ نعیم قاسم کا کہنا ہے کہ اسرائیل سے طویل زمینی جنگ کے لیے تیار ہیں۔
امریکی اخبار کے مطابق امریکا نے لبنان میں اسرائیلی فوج کی جانب سے محدود جنگ چھیڑنے کی تصدیق کر دی ہے۔
-
پاکستان ایک دن پہلے
غزہ بچاؤ مہم : جماعت اسلامی کے رہنما مشتاق احمد اور ان کی اہلیہ گرفتار
-
دنیا 16 گھنٹے پہلے
اسرائیلی فوج کی جارحیت جاری ، فلسطینی مزاحمتی تنظیم کے اہم رہنما فتح شریف ابوالامین شہید
-
تجارت 24 منٹ پہلے
سونے کی قیمت میں مسلسل کمی کا سلسلہ جاری
-
پاکستان ایک دن پہلے
لاپتہ افراد کیس، عدالت نے وزیراعلی خیبرپختونخوا علی امین گنڈاپور کو طلب کرلیا
-
پاکستان ایک دن پہلے
پنجاب الیکشن ٹرنیونل کیس، سپریم کورٹ نے لاہور ہائی کورٹ کا فیصلہ کالعدم قرار دے دیا
-
دنیا ایک دن پہلے
نیپال میں سیلاب اور لینڈ سلائیڈنگ کے نتیجے میں 120 سے زائد افراد ہلاک
-
دنیا 2 دن پہلے
مشرق وسطی ٰ میں بڑھتی کشیدگی ، ایرانی سپریم لیڈر محفوظ مقام پر منتقل
-
تفریح 5 گھنٹے پہلے
بالی ووڈ اداکار گووندا نے اپنے ہی ریوالور سے غلطی سے ٹانگ میں گولی مار لی