محکمہ ریلوے نے عوام کی سہولت کیلئے کال سینٹر متعارف کروادیا

تفصیلات کے مطابق  محکمہ ریلوے نے آئی ٹی سسٹم میں خرابی کے بعد متبادل ذرائع  ڈھونڈ لیا، محکمہ ریلوے  نےعوام کی سہولت کے لیے کال  سینٹر کومتعارف کروا دیا۔

ریلوے انتظامیہ کے مطابق  کال سینٹر پر روزانہ کی بنیا د پر چوبیس گھنٹے سروس فراہم کی جائے گی، کا ل سینٹر   پرریزرویشن اور بکنگ کے مسائل  کیلئے فوری حل کے لیے کال کی جاسکتی ہے۔ریلوے انتظامیہ کا مزید کہنا تھا کہ   معیار کو برقرار رکھنے کے لیے کالز کا ریکارڈ بھی محفوظ رکھا جائے گا۔

خیال رہے کہ ریلوے کا آن لائن سسٹم 26جنوری 2021کو  کام کرنا چھوڑ گیا تھا۔ ملک بھر میں ریلوے کا بکنگ کا نظام خراب ہونے کے باعث مسافر کو بھی سخت پریشانی کا سامنا تھا۔ بکنگ کا نظام بیٹھ جانے سے ریلوے کو لاکھوں روپے کا نقصان ہوا تھا۔