کارگل کے ہیرو کیپٹن کرنل شیر خان کا آج 22 واں یوم شہادت

پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے کیپٹن کرنل شیر خان کے 22 ویں یوم شہادت پر اپنے پیغام میں کہا کہ ہمیں شہید  کیپٹن کرنل شیر خان پر فخر ہے، کارگل جنگ کے ہیرو نے  اپنے خون سے تاریخ رقم کی۔ شہید کیپٹن کرنل شیر خان  نےلازوال بہادری،جرات کامظاہرہ   کرتے ہوئے مادر وطن کا دفاع کیا۔

Nation venerates Capt Karnal Sher Khan Shaheed, NH, on 22nd Martyrdom Anniversary. Kargil War hero from Swabi, KPK, wrote history with his blood displaying utmost valour, commitment & unwavering allegiance 2 defend the country against all odds.
We are proud of him.

— DG ISPR (@OfficialDGISPR) July 4, 2021

کیپٹن کرنل شیرخا ن ، وہ شیرتھے کہ  جب دھاڑے  تودشمن بھی  د ہل کر رہ گیا، ان کی بہادری کا اعتراف دشمن نے بھی کیا۔  کیپٹن کرنل شیر خان پاکستان کے صوبے خیبرپختونخوا کے گاؤں نواکلی میں پیدا ہوئے تھے۔ان کے دادا نے کشمیر میں سنہ 1948 کی مہم میں حصہ لیا تھا۔ ان کے یہاں جب پوتا پیدا ہوا تو انھوں نے کرنل کا لفظ ان کے نام کا حصہ بنا دیا۔کیپٹن کرنل شیر خان شہید عہدے کے اعتبار سے کیپٹن تھے جبکہ کرنل ان کے نام کا حصہ تھا یعنی ان کا پیدائشی نام کرنل شیر خان تھا۔

گورنمنٹ کالج صوابی سے انٹرمیڈیٹ مکمل کرنے کے بعد انہوں نے ائیرمین کے طور پر پاکستان ائیر فورس میں خدمات پیش کیں۔1994میں انہوں نے پاک فوج میں شمولیت اختیار کی۔ 1998میں انہوں نے خود کو لائن آف کنٹرول پر تعیناتی کیلئے پیش کیا جہاں وہ ستائیسویں سندھ رجمنٹ کی طرف سے ناردرن لائن انفنٹری میں تعینات ہوئے۔

 انہوں نے 1999 کی کارگل جنگ کے دوران ٹائیگر ہل کے محاذ پر اتنی بہادری کے ساتھ جنگ کی کہ بھارتی فوج نے  بھی ان کی شجاعت کا اعتراف کیا۔ کارگل کے معرکے میں انہوں نے جامِ شہادت نوش کیا جس پر انہیں پاکستان کے سب سے بڑے فوجی اعزاز نشانِ حیدر سے نوازا گیا۔