ڈی چوک احتجاج: بشریٰ بی بی کی ضمانت میں 15 اپریل تک توسیع

اسلام آباد کی مقامی عدالت نے  26 نومبرکوڈی چوک میں ہونے والے احتجاج کے کیس میںبانی پی ٹی آئی کی اہلیہ بشری بی بی کی عبوری ضمانت میں 15 اپریل تک توسیع کر دی۔
 بشری بی بی کے خلاف کیس میں ضمانت کی درخواست پر سماعت ڈسٹرکٹ اینڈ سیشن کورٹس اسلام آباد کے چودھری عامر ضیا ایڈیشنل سیشن جج، ویسٹ نے کی، جبکہ بشریٰ بی بی کیجانب سے حاضری سے استثنیٰ اور شامل تفتیش کرنے کی درخواست دائر کی گئی۔
دوران سماعت بشریٰ بی بی کے وکیل نے موقف اختیار کیا کہ بشریٰ بی بی شامل تفتیش ہونا چاہتی ہیں، تفتیشی افسر کو ہدایت کی جائے کہ وہ بشریٰ بی بی کو شامل تفتیش کریں۔
بعدازاں عدالت نے بشریٰ بی بی کی عبوری ضمانت میں 15 اپریل تک توسیع کردی،۔
خیال رہے کہ بشریٰ بی بی کیخلاف دفعہ 144 کی خلاف ورزی و دیگر دفعات کے تحت تھانہ رمنا میں مقدمہ درج ہے۔