سینیٹ میں گزشتہ 5 سال کے خسارے کی تفصیلات پیش

اسلام آباد: وزارت تجارت نے گزشتہ 5 سال کے خسارے کی تفصیلات ایوان میں پیش کر دیں۔
سینٹ میں پیش کردہ دستاویزات کے مطابق گزشتہ 5 سال کے دوران 154 ارب ڈالر کا تجارتی خسارہ ہوا۔ اور 136 ارب ڈالر کی برآمدات ہوئیں،جبکہ گزشتہ 5 سال کے دوران 291 ارب ڈالر کی درآمدات ہوئیں۔ 
درآمدات میں اضافے کی بنیادی وجہ معاشی نمو ہے،مالی سال 2020 میں تجارتی خسارہ 23 ارب 16 کروڑ ڈالر ہوا،اور مالی سال 2021 میں تجارتی خسارہ 31 ارب 8 کروڑ ڈالر ہوا۔
اسی طرح مالی سال 2022 میں تجارتی خسارہ 48 ارب 35 کروڑ ڈالر ہوا۔ مالی سال 2023 میں تجارتی خسارہ 27 ارب 47 کروڑ ڈالر ہوا۔ اور گزشتہ مالی سال 2024 میں تجارتی خسارہ 24 ارب 11 کروڑ ڈالر ہوا۔
مالی سال 2025 میں سولر پینل، ٹرانسفارمرز اور بجلی کے ترسیلی آلات میں 60 فیصد اضافہ ہوا۔ جبکہ بجلی کے ترسیلی آلات کی درآمدات 31 کروڑ 90 لاکھ ڈالر تک جا پہنچیں۔
دستاویزات کے مطابق صنعتی مشینری کے آلات میں 20 فیصد، ٹیکسٹائل مشینری میں 40 فیصد اضافہ ہوا۔ آٹو پارٹس کی درآمدات میں 58 فیصد اضافہ ہوا۔