خلیفہ چہارم حضرت علی کرم اللہ وجہہ کا یوم شہادت آج ملک بھرمیں عقیدت و احترام کے ساتھ منایا جا رہا ہے

لاہور:خلیفہ چہارم ،دماد رسول ﷺ،فاتح خیبر حضرت علی المرتضیٰ کرم اللہ وجہہ کا آج یوم شہادت عقیدت و احترام کے ساتھ منایا جا رہا ہے۔
حضرت علی کرم اللہ وجہہ کی شہادت کی مناسبت سے ملک بھر میں ماتمی جلوسوں اور مجالس کا انعقاد کیا جائے گا، کراچی میں مرکزی جلوس نشتر پارک سے برآمد ہوگا، مقررہ راستوں سے ہوتا ہوا حسینیہ ایرانیاں پر اختتام پذیر ہوگا۔
صوبائی دارالحکومت لاہور میں شہادت حضرت علیؓ کا مرکزی جلوس موچی دروازے سے نکالا جائیگا،جلوس اپنے مقررہ راستوں سے ہوتا کربلا گامے شاہ پہنچ کر اختتام ہو گا۔

اسی طرح کوئٹہ، پشاور اورملک کے دیگر شہروں میں بھی شہادت حضرت علیؓ کے جلوس نکالے جائیں گے۔
دوسری جانب کراچی میں ٹریفک پولیس نے ٹریفک پلان جاری کردیا ہے جبکہ جلوسوں کی سیکورٹی کے سخت انتظامات کیئے گئے ہیں۔
کمشنر کراچی کی جانب سے یوم علی کے موقع پر شہر میں دفعہ 144 کے تحت موٹرسائیکل کی ڈبل سواری پر پابندی عائد کردی گئی ہے۔
یوم شہادت حضرت علیؓ کے موقع پر سندھ میں تمام تعلیمی ادارے بند رہیں گے۔