پانی کی قلت سنگین مسئلہ، فوری اقدامات ناگزیر ہیں،پانی کے عالمی دن پرصدر، وزیراعظم کا پیغام

اسلام آباد: صدر مملکت آصف علی زرداری اور وزیراعظم شہباز شریف نے پانی کی قلت کو سنگین مسئلہ قرار دیتے ہوئے فوری اقدامات کی ضرورت پر زور دیا ہے۔
صدر مملکت آصف علی زرداری 
صدر آصف علی زرداری ر عالمی یوم آب 2025 ءپر اپنے ایک پیغام میں کہا کہ پاکستان عالمی برادری کے ساتھ توانائی کے تحفظ، ماحولیاتی استحکام اور موسمیاتی اقدامات کے عزم کی تجدید کرتا ہے ، ارتھ آور پر غیر ضروری لائٹس بند کرنا توانائی کے استعمال اور کاربن فٹ پرنٹ کم کرنے کے عزم کی علامت ہے۔
اپنے پیغام میں ان کا کہنا تھا لکہ ایندھن کی بڑھتی قیمتوں، توانائی کے شعبے کے مسائل سے پاکستان کی معیشت اور ماحول کو شدید خطرات ہیں،انہوں نے کہا ہے کہ توانائی کے محفوظ مستقبل کے لیے بجلی، ایندھن کی بچت اور قابل تجدید توانائی کا فروغ ضروری ہے، بجلی بچانے، توانائی، ایندھن بچانے والے آلات کےاستعمال، پبلک ٹرانسپورٹ کے فروغ کی ضرورت ہے۔
صدر مملکت نے مزید کہا کہ پاکستان میں پانی کی قلت ایک سنگین مسئلہ ہے جس پر قابو پانے کیلئے فوری اقدامات کی ضرورت ہے، صاف اور پینے کیلئے محفوظ پانی کی دستیابی یقینی بنانے کیلئے اقدامات ضروری ہیں، 2022 کے تباہ کن سیلاب اور موسمیاتی تبدیلی ہمارے ملک پر مہلک اثرات کی واضح مثال ہیں۔
وزیر اعظم شہباز شریف
وزیر اعظم شہباز شریف نے ارتھ آور ڈے کے موقع پر پیغام میں کہا ہے کہ ہماری آبی زمینیں جنگلات سے تین گنا زیادہ تیزی سے ختم ہو رہی ہیں، عالمی بحران فوری اور اجتماعی اقدام کا متقاضی ہے۔
اپنے پیغام میں انہوں نے کہا کہ حکومت ایسی پالیسیوں پر عمل پیرا ہے جوموسمیاتی عمل کو مربوط کرتی ہیں۔ ریچارج پاکستان جیسے پروگرام ماحولیاتی نظام کو بحال کر رہے ہیں۔
وزیر اعظم شہباز شریف کا کہنا تھا کہ پاکستان سب سے زیادہ آب و ہوا کے خطرے سے دوچار ممالک میں شامل ہے۔ ہم نے تباہ کن سیلابوں، شدید گرمی اور طویل خشک سالی کا مشاہدہ کیا ہے،انہوں نے مزید کہا کہ زمین کو ماحولیاتی تبدیلیوں سے بچانا ہم سب کی ذمہ داری ہے۔ ایک گھنٹہ لائٹس اور برقی آلات بند کرنے کا مقصد شعور اجاگر کرنا ہے۔
وزیراعظم کامزید کہنا تھا کہ سیلاب نے ہمارے آبپاشی کے نظام کو بہت زیادہ نقصان پہنچایا اور لاکھوں زندگیوں اور ذریعہ معاش کو متاثر کیا، ایک ہی وقت میں خشک سالی بھی اتنا ہی سنگین خطرہ ہے ، ہماری تقریباً 80فیصد زمین بنجر یا نیم بنجر کے زمرے میں آ تی ہے اور ہماری 30فیصد آبادی براہ راست خشک سالی جیسے حالات سے متاثر ہے۔ 
اپنے پیغام میں وزیر اعظم نے کہا کہ اس دن کو منانے کا مقصد ماحولیاتی تبدیلی کے حوالے سے شعور اجاگر کرنا ہے۔ پاکستان آج عالمی برادری کے ساتھ ارتھ آور مہم کا حصہ بنے گا۔