اسرائیل کی جانب سے جنگ بندی کی خلاف ورزی ،مسلسل آٹھویں روز بھی غزہ پر بمباری

اسرائیل کی جانب سے جنگ بندی کی خلاف ورزی کرتے ہوئے مسلسل آٹھویں روز بھی غزہ پر بمباری کا سلسلہ جاری، سات بچوں سمیت مزید 30 سے زائد فلسطینی شہید ہوگئے۔

سیودی چلڈرن کے مطابق ایک ہفتے میں دو سو 70 بچے شہید ہوئے، کئی رہائشی عمارتیں زمین بوس ہوگئیں۔ اسرائیلی فوج نے فلسطینیوں کو جبالیہ کا علاقہ خالی کرنے کا حکم دے دیا ہے، جس کے بعد ہزاروں تباہ حال فلسطینی دوبارہ بے گھر ہوگئے۔

سیودی چلڈرن کی ایک رپورٹ کے مطابق ایک ہفتے میں270بچے شہید ہوچکے ہیں جبکہ ہزاروں تباہ حال فلسطینی دوبارہ بے گھر ہوگئے۔

حماس نے عالمی برادری سے مطالبہ کیا ہے کہ وہ اسرائیلی جارحیت رکوائے اور دنیا بھر میں اسرائیل کے خلاف احتجاجی مظاہرے کیے جائیں۔ ْ ادھر اسرائیلی پارلیمنٹ کے اندر اور باہر نیتن یاہو حکومت کے خلاف احتجاج کیا گیا۔ مظاہرین نے جنگ بند کرنے اور یرغمالیوں کی رہائی کا مطالبہ کیا ہے۔