میانمار میں زلزلے سے ہلاکتیں مسلسل بڑھ رہیں ، تعداد694 ہو گئی

میانمار میں زلزلے سے ہلاکتیں مسلسل بڑھ رہی ہے اورتعداد694تک جاپہنچی ہے۔

غیرملکی میڈیا کے مطابق گزشتہ روز آنےوالے  7.7 شدت کے زلزلے کے باعث تباہ ہونے والی عمارتوں اور مکانوں کے ملبے تلے دب کر ہلاک ہونے والے افراد کی تعداد 694 جبکہ زخمیوں کی تعداد 1670 تک پہنچ گئی ہے۔

 پاکستانی سفارتخانے یانگون اور بینکاک میں ہنگامی صورتحال میں معاونت فراہم کریں گے جبکہ وزارت خارجہ میں کرائسز منیجمنٹ یونٹ فعال کردیا گیا ہے۔ میانمار میں 7.7 شدت کے زلزلے کے جھٹکے کے اثرات تھائی لینڈ کے دارالحکومت بنکاک میں بھی محسوس کیے گئے تھے جس سے فلک بوس عمارتیں چند لمحوں میں ملبے کا ڈھیر بن گئی تھیں۔  

دوسری جانب میانمار اور تھائی لینڈ میں زلزلے کے بعد پاکستانی شہریوں کی مدد کے لیے سفارتخانے الرٹ ہوگئے ہیں۔

  میڈیا رپورٹس کے مطابق میانمار میں جمعے کے روز 7.7 اور 6.4 کی شدت کے یکے بعد دیگرے 2 زلزلوں کے جھٹکے محسوس کیے گئے تھے،امریکی جیولوجیکل سروے کے مطابق زلزلے کا مرکز میانمار میں 10 کلو میٹر زیرِ زمین تھا۔