گوجرانوالہ میں زہریلاکھاناکھانے سے 2 کمسن بہن بھائی جاں بحق

پنجاب کے ضلع گوجرانوالہ میں مبینہ طور پر زہریلا کھانا کھانے سے 2 کمسن بچے جاں بحق ہوگئے۔ 
تفصیلات کےمطابق گوجرانوالہ میں تھانہ اروپ کےعلاقے عالم چوک کے قریب 2 کمسن بچے مبینہ طور پر زہریلا کھانا کھانے سے جاں بحق ہوگئے۔ پولیس نے لاشوں کو پوسٹ مارٹم کیلئے اسپتال منتتقل کر دیا ہے۔
پولیس کے مطابق تھانہ اروپ کےعلاقے میں دو بچوں کی پراسرار موت کے بعد تفتیش جاری ہے۔
 پولیس نے بتایا کہ مبشر اپنے اہل خانہ کے لیے قریبی ہوٹل سے بریانی لایا تھا، بریانی کھانے کے کچھ دیر بعد عبدالہادی اور خضرہ کی حالت بگڑگئی اور وہ جاں بحق ہوگئے۔
پولیس نے بتایا کہ جاں بحق ہونے والے دونوں بچوں کی لاشوں کو پوسٹ مارٹم کیلئے اسپتال منتقل کر دیا گیا۔
پولیس کا کہنا ہے کہ پوسٹ مارٹم رپورٹ کے بعد مزید حقائق سامنے آئیں گے۔