کشمور: فریقین کے درمیان تصادم، فائرنگ سے 5 افرادجاں بحق،متعددزخمی

کشمور: صوبہ سندھ کے ضلع کشمورمیںفریقین کے درمیان فائرنگ کے تبادلے میں 5 افراد جاں بحق جبکہ متعدد افراد زخمی ہوگئے۔
تفصیلات کے مطابق ضلع کشمورکی تحصیل کندھ کوٹ بڈانی شہر میں بنگوار اور بھٹو برادری کے دو گروپوں کے درمیان فائرنگ کے نتیجے میں 5 افراد موقع پر جاں بحق جبکہ 10 سے زائد زخمی ہوگئے۔
کشمور پولیس کے مطابق جاں بحق ہونے والوں میں عامر بھٹو،عاشق بھٹو، رحم علی بنگوار، غلام شبیر بنگوار اور احسان بنگوار شامل ہیں۔
ذرائع کے مطابق دونوں گروپوں کے درمیان جدید اسلحے سے فائرنگ کا سلسلہ جاری ہے، جس سے مزید ہلاکتوں کا خدشہ ظاہر کیا جا رہا ہے۔
دوسری جانب پولیس کی بھاری نفری علاقے میں پہنچ چکی ہے، تاہم کشیدگی تاحال برقرار ہے۔