اسپین :کوئلے کی کان میں دھماکے سے 5مزدور ہلاک،4 زخمی

میڈرڈ:شمالی سپین میں سرنگ میں دھماکے کے دوران 5 افراد ہلاک جبکہ 4 مزدور زخمی ہوگئے۔ تفصیلات کے مطابق دھماکہ کوئلے کی کان کے اندر ہوا جس میں مزدور کام کر رہے تھے۔
ریسکیوحکام کے مطابق اسپین کے شمالی علاقے استوریاس میں پیر کو کوئلے کی کان میں حادثے کے بعد چار افراد ہلاک اور دو لاپتہ ہو گئے۔
 ریسیکو ذرائع نے مزید بتایا کہ دھماکے میں دو مزدور معمولی زخمی ہوئے جبکہ دو مزدوروں کو قریبی ہسپتال منتقل کر دیا گیا ہے۔ 
سیکیورٹی ذرائع کے مطابق دھماکے کی وجوہات سامنے نہیں آ سکی ہیں، تحقیقات کا آغاز کر دیا گیا۔
دوسری جانب اس حادثے پر ہسپانوی وزیر اعظم پیڈرو سانچیز نے ایکس پر پوسٹ کیے گئے ایک پیغام میں متاثرین کے اہل خانہ کے ساتھ اپنی "مخلصانہ تعزیت" بھیجی اور زخمیوں کی "جلد صحت یابی" کی خواہش کی۔
انہوں نے مزید کہا کہ میں ہنگامی خدمات کا شکریہ ادا کرنا چاہوں گا جو ریسکیو آپریشن میں مصروف ہیں۔